white filler image

Te take o te kawenga i tēnei tirohanga - Te Tirohanga Tautoko Moniwhiwhi o Aotearoa

E kawea ana tēnei tirohanga hei whakapai ake i te pūnaha tautoko moniwhiwhi.

Ka āwhina i a mātou ki te whakapai ake i tā mātou whakatutuki i ngā hiahia o te tangata me ngā whānau. Ka āwhina me ā mātou panonitanga hei mātua whakarite kia tika te tiaki i te hunga ka haramai ki a mātou mō te tautoko, otirā kia whiwhi hoki i te tautoko e hiahiatia ana, ā, e taea ana te whakauru ā-whaikiko ki ā rātou hapori.

Ka āwhina hoki te pūnaha i a mātou ki te arotake i ngā panoni o nā tata nei ki te pūnaha tautoko moniwhiwhi. Ka āhei mātou ki te whakamōhio i te kāwanatanga kei te pēhea tana mahi ki te whakatutuki i āna whāinga o te whakaheke i te pōharatanga, me te whakarato i te pūnaha toiora tōkeke ka taea paitia e te tangata.

Otirā ka āwhina hoki te tirohanga i Te Manatū Whakahiato Ora me Te Tari Taake ki te tuku tohutohu ki te Kāwanatanga he aha pea ētahi atu panoni e tutuki ai ēnei whāinga.

Ko tā ngā mōhiohio ka tukua mai e te tangata ka āwhina ki te hoahoa i te pūnaha tautoko moniwhiwhi e tutuki pai ai ngā hiahia o ngā tāngata o Aotearoa.